Бонтон правила кои ги забораваме во секојдневието

Човекот е толку учен колку што му се добри манирите, би рекле многумина.

Сепак, во денешното брзање, 90% од добрите манири отидоа во заборав.

Ова се правила од бонтон експерт на кои вреди да се потсетиме и да ги „вратиме во живот:“

• Во јавен превоз се зборува исклучиво тивко. Зборувањето на телефон е забрането. Максимумот што можете да го кажете е: „Ало, во моментов не можам да зборувам, ќе те побарам за кратко.“ Генерално, ова важи за сите места каде има многу непознати лица на едно место. Односно, тоа може да биде и лифт.

• Во јавен превоз исто така мажите треба да го отстапат местото на жените. Истото правило важи и за дечињата од 5-6 годишна возраст, па нагоре.

• Лубеница се јаде со виљушка и нож.
• Путерот не се размачкува на лебот. Се остава во парчето во кое е исечен.
• Лимонот од пијалаците не смее да се јаде и џвака.
• Во канцеларија не се части ништо што е на парчиња или за што треба прибор за јадење. Може да почастите канапеи или јаткасти плодови.

• Ноктите се средуваат или дома или во салон за разубавување и на ниту едно друго место.

• Никогаш не комуницирајте со говорни пораки. Ако однапред не сте се договориле за овој начин, не се снимајте без претходна најава.
• Дури и на најголемите жештини, на важни состаноци и формални настани не се оди со голи нозе. Секогаш се носат хулахопки.

• Комплиментот упатен кон непознат човек не е лош потег. Некултурно е само да одбиете или игнорирате комплимент кој вие ќе го добиете.
• Никогаш не го допирајте туѓото дете пред претходна дозвола од родителот или возрасното лице кое го придружува.
• Кога му се обраќате на детето, би требало да клекнете за да бидете во негова висина.

• Врата се отвора на луѓе кои се 2 до 3 чекори позади вас. Ако човекот е далеку околу 10 чекори, подобро не ја држете вратата. На тој начин само ќе го натерате да брза.
• Ако го допрете приборот или салветата во ресторанот, тогаш мора да нарачате храна.