Германски психијатар открива кои 15 работи го спречуваат намалувањето на интелектот

Манфред Спитзер е германски психијатар, кој во разни прилики истакнува дека намалувањето на интелектот почнува од рана возраст, поради слабото учење во детството, дигиталната зависност и недостатокот на социјален контакт.

Манфред го смислил и изразот „дигитална деменција“ кој го објаснува во неговата истоимена книга.

Според него, користењето дигитални уреди без никаква контрола, и тоа уште од најрана возраст, може да има сериозно влијание врз когнитивните способности и интелектот, односно да ги намали. Или, со негови зборови, „дигиталната деменција“ е како заглупување на мозокот.

Покрај препораките за поодговорно користење дигитални уреди, Манфред споделува и совети со кои можете да го забавите или спречите намалувањето на вашите когнитивни способности.

Како би го одржале мозокот витален и би го спречиле намалувањето на интелектот, Манфред советува:

1. Хранете се здраво. Најчесто заболуваме поради нездравата исхрана, па затоа треба почесто на менито да вклучите капини, брокула, малку црно чоколадо, риба и малку црвено вино.

2. Секојдневно движете се најмалку 30 минути.

3. Фокусирајте се. Пробајте поретко да бидете замислени и отсутни.

4. Не се форсирајте. Почнувајте работи само кои можете да ги направите и завршите.

5. Помагајте им на другите.

6. Не се оптоварувајте со пари. Тие не ве прават ниту среќни, ниту здрави.

7. Повремено свесно слушајте музика. Не ја пуштајте само кога правите нешто друго, колку да ја пополни тишината.

8. Смејте се. Дури и кога треба малку да се исфорсирате да се насмеете.

9. Пејте, бидејќи е здраво.

10. Бидете активни и совладајте ги препреките. Не се откажувајте кога работите ќе станат тешки.

11. Поедноставете го животот. Правете ги работите како што се правеле порано.

12. Пуштете ги луѓето да си заминат од вашиот живот.

13. Поминувајте повеќе време во природа, бидејќи тоа ќе ви го подобри квалитетот на животот.

14. Сè што е наведено на листата, важи и за вашите деца.

15. На крај – избегнувајте да го дигитализирате секојдневието.

М. Д. | Црнобело