5 желби на повозрасните мажи, кои се плашат гласно да ги кажат

За мажите, навлегувањето и ситнењето на 40-тите години може да значи „сумирање“ на животните авантури, што може да биде и сила и слабост.

Стабилна работа, одреден социјален статус, изградени конекции и релации... Па, следи прашањето, дали ова е пикот, или почетокот на нови маки.

Помислата знае да биде застрашувачка и ретко кој маж на 40+ години ќе признае дека има желба и потреба за:

Интимни експерименти

Самата помисла дека „времето тече“ може да биде моќен афродизијак и желба да се пробаат сите непробани работи, но дури и кога имаат долгогодишен брак, мажите се плашат да разговараат на темата.

Сака голема животна промена

Понесени од желбата да ги поместат границите, бидејќи веќе имаат доволно искуство, а силата и енергијата полека им опаѓаат, мажите по 40-тата година сакаат сериозна промена.

Тоа може да биде промена на работното место, местото на живеење, далечно патување и сите работи кои со години ги одложуваат.

Сака да слушне бодрење и пофалби

Жените ретко делат комплименти на своите партнери, без да знаат дека колку што мажите се повозрасни, толку е поголема потребата од нив.

Валидацијата дека мажот е сè уште привлечен, храбар, успешен – нема рок.

Сака да го промени изгледот

Тука може да се работи за промена во косата, брадата, стилот на облекување или едноставно – ставање на тетоважа за која дотогаш не собрал храброст.

Сака изненадувања

Браковите по 40-тата година знаат да западнат во монотонија, па секое мало изненадување е добредојдено – викенд надвор од градот, пикник во парк, ручек или нешто што само него ќе му значи.

Мажите ретко разговараат за своите скриени желби, па важно е да знаете да читате меѓу редови.

М. Д. | Црнобело