Не шетајте разголени, секогаш имајте кеш – Што (не) треба да правите во Индија, низ илустрации

Секогаш имајте кеш

Иако во рестораните и продавниците во поголемите градови прифаќаат и картички, ова сепак е реткост во Индија.

Што значи, осигурете се дека секогаш ќе имате кеш, особено ако сте на помало место.

Многу луѓе не разбираат англиски

Англискиот се претвори во глобален јазик и скоро сите го користиме кога одиме во странство.

Но, ако одите во Индија, имајте на ум дека многу луѓе не го знаат јазикот.

Научете ги и користете ги локалните начини на поздравување

Во која држава и да одите, треба да покажете почит кон тамошната култура, а истото важи и за Индија.

Ќе оставите многу добар впечаток кај локалните жители ако покажете интерес за нивната култура, како начинот на поздравување.

Во Индија често се користи поздравот „намасте“ - треба да ги споите дланките како за молитва, малку да се поклоните и да кажете „намасте“.

Овој поздрав се користи за поздравување и за збогување и со него ќе покажете почит кон соговорникот.

Не разменувајте нежности во јавност

Колку и да сте вљубени во партнерот, ако сте во Индија, избегнувајте да се бакнувате и прегрнувате додека сте на јавно место.

За Индијците разменувањето нежности е нешто многу интимно и треба да се случува зад затворени врати.

Добро би било да избегнувате и држење за рака.

Во помалите градови носете облека што го покрива телото

Носењето облека со разголени делови од телото се смета за вулгарна во Индија, па за да покажете почит кон локалците, не покажувајте многу кожа.

Дури и ако е топло, пробајте да ги скриете рацете и нозете.

Спирова С. | Црнобело