Сериски убиец кој усмртил 100 жени, победил на квиз за состаноци на слепо: „Се однесуваше навистина морничаво“

„Почна да ми се лоши. Тој се однесуваше навистина морничаво“ – изјавила учесничката во квизот што требало да оди на состанок со серискиот убиец Родни Алкала. Неколку години по учеството во квизот тој бил осуден на смртна казна.

Квизовите со состаноци на слепо во САД биле мошне популарни и во минатото.

Во 70-тите години на минатиот век таму бил актуелен квизот The Dating Game, а скандалот што се случил во време на неговото емитување е еден од најпознатите во историјата.

Родни Алкала е познат сериски убиец, за кого се знае дека сигурно убил седум жени, а самиот тврдел дека им го одземал животот на околу 100 жртви.

Алкала во доцните 70-ти години учествувал и победил на квизот The Dating Game каде наградата била состанок со главната учесничка.

Учеството во квизот се случило долго откако тој веќе го одзел животот на својата прва жртва, а според пишувањата во медиумите Алкала претходно бил осудуван.

Десетина години пред учеството во квизот, Алкала, кој во тоа време бил студент по уметност и фотограф во Тексас, бил обвинет за киднапирање и силување на 8-годишно дете, но избегнал затворска казна така што побегнал од државата.

Во 1972-та година, откако бил препознаен од група тинејџери бил затворен и поминал 3 години во затвор.

По две години излегол од затвор, но само два месеци по ослободувањето тој му пришол на 13-годишно девојче и го однел покрај плажата. Го прислил девојчето да пуши марихуана со него и го бакнал, по што и двајцата биле уапсени од страна на ренџер за поседување опојни супстанци.

Тој во јавноста стана познат како The Dating Game Killer, а се претпоставува дека пред учеството во квизот во 1978-ма година имал убиено најмалку 4 жени.

Во квизот, девојката Шерил Бредшоу требало да го избере мажот со кој ќе оди на состанок, откако претходно требало да им постави прашања на тројца кандидати што не ги гледала.

Шерил го избрала серискиот убиец, но нејзиното мислење се променило кога за првпат го видела:

„Почна да ми се лоши. Тој се однесуваше навистина морничаво“ – изјави тогаш Шерил.

Иако по шоуто се согласила да излезе со него, следниот ден водена од инстинктите одлучила да им се јави на продуцентите и да го откаже состанокот.

Родни ја убил 12-годишната Робин Самсо во Лос Анџелес во 1979-та година, по учеството во квизот. Полицискиот фоторобот ги однел властите до негов сеф, каде биле најдени голем број сувенири од жртви, меѓу кои и обетки на последната жртва.

Тој бил уапсен и осуден на смртна казна, но починал до природни причини во јули, 2021-ва година, на возраст од 77 години.

Непосредно пред смртта тој рекол дека убил до 100 жртви, а полицијата во последниот период работи на ДНК анализа и утврдување на другите жртви на Алкала на територијата на Лос Анџелес и Њујорк.

Погледнете го видеото со учеството на Алкала во квизот:

Б. С. Б. | Црнобело