Во кои 4 години од животот луѓето се најсреќни (и во кој период се најнесреќни)?

Диско, луди забави, љубовни партнери, авантури? „Ех, младост“ ќе речеме, но не – 20-тите години не ни се најсреќните години од животот. Што мислите кој период е?

„Ех младост!“ си велиме некогаш, претпоставувајќи дека 20-тите години се најубавите години од нашиот живот.

Но, ново истражување објавено во Social Indicators Research покажа дека сме во заблуда и дека најсреќните 4 години во животот ни се на почетокот од 30-тите, односно од 30 до 34-годишна возраст.

Иако многу луѓе полнењето на 30 години го гледаат како збогување со младоста, сепак изгледа дека токму 30-тиот роденден е клучот кон многу нови среќни мигови.

Во истражувањето учествувале луѓе над 50 години од 13 европски земји и одговарале на прашањето на која возраст биле најзадоволни од својот живот.

Бегоња Алварез, еден од главните истражувачи, вели: „Мислам дека една личност постепено доаѓа до најсреќниот период од животот и кулминацијата е на 30 до 34 години.“

Интересно е што половина од испитаниците рекле дека откако ја достигнале среќата на оваа возраст чувството на задоволство ги држело во следните 2 децении од животот.

Период од животот кога луѓето се најмалку среќни е од 10 до 14 години и потоа по 70 години, период кој е поврзан со осаменоста и здравствените проблеми.

Се разбира, резултатите на истражувањето се базирани на спомените на луѓето и тоа како ги помнат одредените периоди од својот живот.

И добрата вест е што периодот на среќа трае многу години потоа кај повеќето личности.

С. С. | Црнобело