Луѓе споделуваат кои мали животни промени драстично им го подобриле менталното здравје

„Ова е навистина мало, но ми помага - секое утро гласно кажувам ’Колку е убав денот денес‘. Изгледа безначајно, но ми ја менува перспективата“.

„Престанав да се расправам со странци на интернет. Повеќе не се грижам за негативните коментари што ги читам онлајн“.

„Си најдов нови хобија – сурфање, ловење риба, трчање… Ми даваат можност да се фокусирам на нешто друго наместо на депресивните мисли“.

„Почнав да им помагам на луѓето за ситници. Се чувствувам многу подобро во врска со себе откако ќе ми се заблагодарат, а тоа ме тера да бидам уште подобра личност кон сите“.

„Почнав да земам суплементи со витамини Б и Д, но и да спијам повеќе. Сега полесно ги контролирам негативните мисли“.

„Научив како функционираат моите ментални болести (анксиозност и депресија) и научив да ги забележувам симптомите. Потоа научив да се справувам со симптомите. Одев на терапија и сега пијам антидепресиви“.

„Престанав да си кажувам лоши работи за себе. На пример, наместо да си речам ’Леле кажав нешто глупаво, сега мислат дека сум идиот‘, си велам ’Во ред е, имаше мало недоразбирање, ништо страшно‘. Со ова ги спречувам негативните мисли“.

„Престанав да им се лутам на луѓето. Ако ми згрешиле, им простувам и се чувствувам многу порелаксирано“.

Спирова С. | Црнобело