Глутенот е штетен и уште 7 популарни митови за храната

Глутенот е штетен

Глутенот е вид протеин кој се наоѓа во многу видови храна, како леб, тестени и житарици.

Освен ако немате целијакија или друг здравствен проблем поради кој не можете да јадете глутен, нема потреба да го избегнувате бидејќи не е штетен.

Јаглехидратите се штетни и дебелеат

Јаглехидратите се неопходни за правилно функционирање на организмот.

Тие му даваат енергија на телото, штитат од болести, па дури помагаат и во контрола на тежината.

Што значи, никако не треба целосно да ги исфрлите од вашата исхрана.

Единствено треба да бидете умерени – препорачливо е јаглехидратите да сочинуваат од 45% до најмногу 65% од дневниот внес на калории.

Портокалот и лимонот имаат најмногу витамин Ц

Иако ова се овошјата со кои го поврзуваме витаминот Ц, тој се наоѓа и во други овошја и зеленчуци.

Храната со најмногу витамин Ц вклучува киви, пиперки, јагоди, домати, брокула и зелка.

Слаткиот компир е поздрав од „обичниот“

И слаткиот и „обичниот“ компир имаат многу хранливи материи како калиум, калциум, магнезиум и витамини А, Б6 и Ц.

Најголема разлика има кај витаминот А кој е многу поконцентриран кај слаткиот компир.

И двата вида компир имаат речиси иста калориска вредност и исто количество масти.

Сето ова значи дека ако не ви се допаѓа вкусот на слаткиот компир, нема потреба да го користите како замена за обичен.

Многу поважно е како ќе го приготвите компирот - на пример, помфритот никогаш нема да биде здрав, без разлика дали е од сладок или обичен компир.

Спирова С. | Црнобело