Некогаш болното и напуштено кутре, сега од среќа мавта со опашката во сон

Кога Френк бил малечко кутре, неговата иднина не изгледала добро. Како што неговиот сопственик раскажува, Рафаел Боргес, Френк имал 5 месеци кога го посвоил, бил глув, невакциниран и тежел само 3 килограми.

Неговиот претходен сопственик го чувал заробен надвор, во мал простор и му давал храна за големи кучиња и покрај тоа што бил бебе.

Освен тоа, имал и неизлечена инфекција заради која останал глув.

- Сенките го правеа нервозен, а единствен пријател му беше ќебенцето на кое спиеше, раскажува Рафаел.

Сепак, по посвојувањето, работите за Френк се промениле. Со многу љубов и нега во новиот дом, Френк започнал да живее прекрасен и среќен живот.

Рафаел со солзи во очите ја раскажува среќата кога видел дека Френк за прв пат замавтал со опашката.

Денес, од среќа мавта и додека спие...