Грешки во говорот на телото кои прават да изгледате несигурно и непрофесионално на работа

Постојано сте намуртени, избегнувате гледање во очи и на работа се однесувате како да сте дома. Грешки во говорот на телото и во однесувањето поради кои изгледате непрофесионално.

greshki-vo-govorot-na-teloto-koi-pravat-da-izgledate-nesigurno-i-neprofesionalno-na-rabota-01.jpg

Говорот на телото е навистина важен. Кога некој првпат ве гледа, токму преку говорот на вашето тело донесува заклучоци за вас.

Кога сте со пријатели и блиски луѓе, генерално нема потреба да внимавате на ова. Но, кога сте на работа и во деловно опкружување, навистина е важно да изгледате професионално.

Осум грешки поради кои изгледате несигурно и непрофесионално на работа:

Постојано сте намуртени

Во текот на работниот ден, сосема нормално е почувствувате фрустрација, гнев и други негативни емоции.

Но, ако постојано сте намуртени, дури и кога само разговарате со колегите, нема да оставите добар впечаток.

Како да се подобрите?

Насмевката ви е најсилното оружје. Кога разговарате со колега, надреден, клиент или кого било, секогаш бидете насмеани и веднаш ќе забележите разлика во односот на другите кон вас.

greshki-vo-govorot-na-teloto-koi-pravat-da-izgledate-nesigurno-i-neprofesionalno-na-rabota-02_copy.jpg

Премногу гестикулирате со рацете

Претераното гестикулирање може да направи да изгледате несигурно.

Ист ефект имаат и движењата како допирање на лицето, играње со косата или облеката и слично.

Во формална околина, со ова можете да оставите лош впечаток.

Како да се подобрите?

Секогаш бидете свесни за движењето и положбата на вашите раце. На почетокот ова ќе ви биде напорно, но со текот на времето ќе се навикнете и ќе нема ни потреба да обрнувате внимание на ова.

greshki-vo-govorot-na-teloto-koi-pravat-da-izgledate-nesigurno-i-neprofesionalno-na-rabota-03_copy.jpg

Вашиот израз не го отсликува она што го кажувате

Ако кажувате нешто, а според вашиот израз изгледа како да не го мислите тоа, луѓето тешко дека ќе ви веруваат.

Ако, на пример, имате лидерска позиција и треба да им соопштите нешто важно на вработените, немојте да стоите подгрбавени. Со ова ќе изгледате несигурно и нема да ве сфатат сериозно.

Како да се подобрите?

Секогаш обрнувајте внимание на изразот на вашето лице – ако споделувате добри вести, насмевнете се. Ако кажувате нешто сериозно, покажете самоувереност.

greshki-vo-govorot-na-teloto-koi-pravat-da-izgledate-nesigurno-i-neprofesionalno-na-rabota-04_copy.jpg

Избегнувате гледање во очи

Уште една грешка што прави да изгледате несигурно.

Кога го гледате соговорникот во очи, му давате до знаење дека го слушате и го почитувате она што го кажува.

Ако постојано го избегнувате неговиот поглед, нема да бидете сфатени сериозно.

Како да се подобрите?

Ако ви е навистина проблематично да ги гледате другите во очи, фокусирајте се на дел од нивното лице во близина на очите, како помеѓу веѓите. Со текот на времето ќе го надминете стравот и без проблем ќе ги гледате и во очи.

greshki-vo-govorot-na-teloto-koi-pravat-da-izgledate-nesigurno-i-neprofesionalno-na-rabota-05_copy.jpg

Уште пет грешки на следната страница...



Би можело да ве интересира:

Луѓе ја споделуваат мрачната страна на нивната кариера: „Го истражувам ракот кај деца – гледам многу... „Работам во зоолошка градина. Дали некогаш сте помирисале урина на лав? Сигурно ...
„Дружбата е дружба - службата е служба“ Дали го проверувате вашето електронско сандаче надвор од работното време? Дали п...
Фрустрирани сте и не ви се работи, а отказот не е најдоброто решение? Совети како да бидете посреќни... Ако не сте задоволни со вашата работа, но не сте во позиција да си дадете отказ,...

Најчитани неделава

sonovnik-sidebar.jpg