Како да се разбудите кога ќе ви се приспие на работа?

Сите имаме лоши работни денови. Некогаш сме изморени, а некогаш едноставно не ни се прави ништо. Еве неколку забавни начини како да се расоните на работното место, а да не посегнете по огромна шолја кафе или енергетски пијалак.

Вклучете Фејсбук/Јавете се на пријател

Не е возможно да заспиете додека разговарате со некој или додека го одмарате мозокот со неколку летни фотографии.

Зборувајте со згодниот колега

Сите имаат барем еден згоден колега на работа во кој сите се заљубени. Затоа, кога ќе ви се приспие, впуштете се во интересен разговор со него. Верувајте, ќе останете будни дури и очите да ви се затвораат.

Земете чоколада

Наместо да посегнете по огромната шолја кафе, каснете еден ред темна чоколада. Доволни ви се само 2 коцки за да ја добиете потребната количина на енергија.

Направете пауза

Не работете кога не можете да останете будни. Земете кратка пауза со најдобрата колешка или колега, испијте еден чај, појадувајте, па дури и дозволен е некој трач.

Прошетајте

Не само што е здраво да се движите, туку и воздухот влијае како кофеинот на вашиот мозок.

Играјте игра

Вклучете некоја забавна интернет игра која ќе ви ја подигне возбудата. Но, не се заборавајте повеќе од 15 минути!