Ноќното работење го пореметува дневниот ритам

„Луѓето кои имаат потешкотии со сонот по напорната ноќна смена би требало да се завртат кон методите за релаксација“, препорачува германскиот психолог Хилкраут Паридон.

„Без разлика дали се работи за шолја чај, читање весник или туширање, секој мора за себе да го пронајде она што му одговара“, вели Паридон и додава дека мирната околина и затемнетата просторија се важни за добриот дневен сон.

Работата во смени не е здрава, бидејќи нашите тела не се создадени за ноќна работа, а негативните последици може да бидат психички, телесни и социјални.

Некои луѓе полесно работат навечер, но некој не би смеел да работи подолго време навечер, бидејќи телото го следи ритамот од 24 часа, а хормонот за спиење најчесто се испушта навечер, па затоа се пореметува дневниот ритам.

Многу од луѓето кои работат ноќе патат од пореметување на спиењето, не можат да заспијат после ноќната смена или не можат доволно долго да спијат во текот на денот.

Многу нарушувања во организмот, како болестите на крвните садови и лошото варење може да се поврзат со ноќната работа.

Според зборовите на Паридон, лошите ефекти од ноќната работа се и од социјална природа, бидејќи тоа влијае на социјалните контакти , но и на друштвената изолација.

Концентрацијата и енергијата во текот на денот се многу помали, па поради тоа, треба многу повеќе да внимаваат, да се хранат здраво и да вежбаат, за да можат барем малку да го одржат здравиот начин на живот.