Што прават успешните луѓе секој ден?

Понекогаш изборот на вашата професија се заканува дека ќе ве проголта, додека неуморно се грижите секој ден да постигнете што поголем успех. Со ова темпо, батериите со сигурност ќе ви „изгорат“, а вам ви се заканува очај и умор.

Постои една работа која професионално успешните луѓе ја прават секој ден за да не паднат во оваа замка, и е прилично едноставна: Тие наоѓаат време за себе.

Со самиот факт што ќе одвоите малку време за активности кои не се поврзани со работата, вие си давате можност да си го занимавате мозокот со нешта кои не се поврзани со рокови и одговорности. Воедно, ќе почувствувате како енергијата ви се обновува, батериите ви се полнат и ќе стигнете целосно освежени во канцеларијата, што резултира со поголема продуктивност.

Ви изгледа невозможно да пронајдете малку слободно време? Прво, назначете точно определен период од денот кога може да правите што сакате, без разлика дали е пред или после работа или пак задолжително за време на викендот.

Потоа, одлучете се како сакате да си го пополните времето за уживање. Можеби ќе вежбате, ќе читате некоја комплексна книга, ќе испробувате нови рецепти или ќе ги ставите на тест вашите вештини во некој проект од типот „Направи сам“.

Што и да одлучите, важно е активноста да ве исполнува.

За почеток, посветете минимум 3 дена во неделата во кои ќе си одвоите „време за себе“ и веднаш ќе почувствувате разлика и среќа. Вашиот ум ќе се избистри, подготвен за нови предизвици на работното место. 

(О)Милена | Црнобело