Како да се навикнете на работа после празниците?

Поминавте безброј часови во гледање на ТВ серии до доцна во ноќта, излегувања со пријателите, многу храна...

И сега некако, не сте подготвени да седнете на канцелариското столче и да се вратите на работа...

Но, неколку работи можат да ви помогнат да се навикнете на околината:

1. Прво исчистете си го работниот простор

Големи се шансите да имате многу неотворени пораки, писма, недовршени обврски... Прво концентрирајте се на нив.

2. Брзо погледнете си го вашиот календар

Долго време ве немаше, време е да се потсетите што правевте пред да заминете на краток одмор и што ве очекува во наредните неколку дена

3. Не ги читајте мејловите по хронолошки ред

Туку по датуми и важни личности. Така ќе дознаете што важно се случувало.

4. Направете си листа на приоритетни задачи

Не можете сè да постигнете наеднаш, морате да си одредите приоритети

5. Правете ги работите една по една

Откако ќе си одредите кои задачи ви се приоритетни не преминувајте на тоа сите наеднаш да ги завршите, туку концентрирајте се на задачите една по една.

6. Тргнете ги настрана непотребните дистракции

Сите работи кои можат да влијаат на вашата концентрација, најдобро е да ги тргнете надвор од вашето видно поле.

7. Испланирајте си ја првата недела

Добро е да имате некаков првобитен план кој ќе ви помогне подобро да се организирате.

8. Не останувајте до доцна

Колку и да сакате да завршите сè одеднаш, ако останувате доцна на работа, на крајот од денот нема ништо да постигнете, освен што ќе бидете преморени.

Н. Г. | Црнобело