„Фика“ - шведски концепт за краток одмор на работното место

Објаснувањето на терминот „Фика“ гласи вака: Друштвена пауза за кафе со колегите, пријателите, партнерот или фамилијата, вообичаено во комбинација со традиционални шведски слатки печива.

Кога најголем дел од денот го поминувате на работа, потребно е да одвоите барем 30-тина минути за пауза во која ќе се одморите и ќе го релаксирате мозокот и телото.

Во получасовната пауза телефоните се оставаат настрана и во заедничкиот простор наменет за одмор се споделува шолја топло кафе или чај со слатки печива или колачиња со колегите.

Понекогаш се консумира и овошје или мали солени канапеи, но основната идеја е да оддели време за одмор и дружба на работното место.

Па, слободно позајмете го шведскиот концепт за одмор и пауза додека сте на работа. Донесете слатки по сопствен избор, одберете си топол напиток по желба и пуштете го мозокот на краток одмор.

Комуницирајте со колегите, споделувајте различни мислења бидејќи токму тогаш доаѓаат најдобрите идеи.

Секогаш пронајдете време за одмор и сопствено рестартирање, особено додека сте на работа. 

(О)Милена | Црнобело