Грешки што ги прават младите на почетокот на кариерата

По завршување на образованието, сите млади луѓе почнуваат со процесот на барање работа.

Не дозволувајте младоста и неискуството да ви бидат пречка на патот кон успешна кариера.  Постојат неколку грешки што повеќето млади ги прават кога одлучуваат за работа:

Кажуваат помала плата од онаа која би ја сакале

Не се плашете да ја кажете сумата која вие мислите дека ја заслужувате кога работодавачот ќе ве праша за плата на интервјуто. Не се потценувајте само затоа што сте млади и не многу искусни.

Шансите дека ќе добиете добра понуда се поголеми ако го кажете она што го сакате.

Прифаќаат „не“ како одговор

За напредок во кариерата важно е да научите дека понекогаш она што го барате нема да дојде од прв пат, туку ќе треба да го побарате повторно и повторно.

Работодавачите ценат упорност и истрајност. Направете да им биде тешко да ви кажат „не“.

Ја бараат идеалната работа

Немојте да мислите дека по завршување на образованието ве чека работата од соништата. Патот кон успехот е долг и трнлив, со многу попатни препреки кои треба да ги поминете.

Запрашајте се кои се вештините кои ги имате, а се потребни на пазарот и прифаќајте различни задолженија. Сé е тоа искуство.

Не обрнуваат внимание на облеката

Облеката можеби не е најважната работа на која треба да мислите, но и тоа како помага при избор на идеалниот кандидат за работа. Облечете се пристојно и соодветно на пригодата.

Избирајте облека која ве прикажува како професионални и достојни за работното место.

М. В. | Црнобело