Бонтон во канцеларија: 17 правила на убаво однесување, што секој вработен треба да ги почитува

Не е важно дали работите во профи компанија, каде оделата и затворените чевли се задолжителни и на плус 40 степени, или, пак, во стартап фирма, чии вработени си ги носат и кучињата на работа и одат по папучи со ликови од цртаните.

Основните правила на убаво однесување важат во сите типови на канцеларии, а доколку сакате да напредувате во кариерата и бидете пријатен соработник, почитувајте ги и тогаш кога кога останатите ќе заборават на бонтонот:

1. Водете ги долгите приватни разговори во ходникот или пред зградата, а ако имате своја канцеларија, тогаш затворете ја вратата.

2. Ако работите во просторија со повеќе луѓе, стишете ги звуците на компјутерот и користете слушалки.

3. Кога пристигнувате и заминувате од работа, поздравете ги присутните, дури и ако никој не ви отпоздравува.

4. Немојте да пушите во ВЦ-то.

5. Не доцнете на состаноци.

6. Не им ги крадете предметите од биро на колегите.

7. Никогаш не чепкајте во туѓите фиоки.

8. Никогаш, ама баш никогаш, не ги отварајте туѓите подароци и не читајте ја туѓата пошта.

9. Ако јадете на работната маса, обидете се да го избегнете носењето намирници кои имаат изразито непријатна миризба, или барем отворете го прозорецот.

10. Пцуењето оставете го за на кафе, а не за секојдневната комуникација со колегите.

11. Нека ВЦ-то после вас секогаш биде чисто и уредно.

12. Ако користите заедничка кујна, не оставајте неред и не ги „позајмувајте“ туѓите работи, како млеко, сол и шеќер без нивно знаење.

13. Доколку имате некаква заразна болест, прескокнете го доаѓањето на работа. Ако веќе мора да дојдете, тогаш не кашлајте по колегите и избегнувајте физички контакт.

14. Љубезно поздравете ги луѓето во ходникот или на влезот од зградата.

15. Не ги ставајте нозете на маса. Никогаш.

16. Не ги допирајте колегите, освен ако не сте доволно блиски.

17. Избегнувајте ги тешките и нападни парфеми, кои би можеле да им пречат на вашите колеги.

Колку од овие правила се почитуваат кај вас на работа? Би додале ли нешто плус на листата?

М. А. | Црнобело