Таен тест за добивање на работа - би го положиле ли?

Постои трик-тестирање кое се спроведува после интервјуата и надвор од официјалното работно време, а сè повеќе работодавачи го применуваат за проверка на потенцијалните кандидати кои аплицирале за позицијата.

Потрагата по работно место и одењето на интервјуа за работа, самите по себе се стресни искуства. А, доколку сте свесни и за тоа, дека одговарањето на поставените прашања на интервјуто не е единственото за кое треба да водите сметка, нештата стануваат уште постресни.

Имено, сопственичката на успешна компанија од Њујорк, Ерика Нардини, во разговорот за New York Times откри дека многубројни работодавци, меѓу кои и таа самата, дополнително ги тестираат потенцијалните вработени, дури и откако тие ќе си заминат од интервјуто.

Попрецизно, се работи за проверка, која се спроведува надвор од официјалното работно време:

„Јас сум една од оние особи, на кои не им лежат интервјуата за работа, бидејќи сум премногу нестрплива. А, не сум една од тие, кои по секоја цена ќе одберат луѓе со педигре. Секако, не е негативно доколку некој го има, но јас сакам да го согледам нечиј поглед на светот и како дошле до местата на кои се сега. Така, на кандидатите знам да им испратам порака во недела, помеѓу 9 и 11 часот наутро, само за да видам колку брзо ќе одговорат.“

Кое е вистинското време за одговор?

„Во рок од три часа. Не дека јас ќе ви здодевам цел викенд доколку работите за мене, туку сакам да бидете на готовс, односно спремни за одговор во секое време. Јас постојано мислам на работата. Другите луѓе не мора постојано да работат, но сакам луѓе кои исто така секогаш размислуваат.“-признава Ерика.

Би го положиле или паднале на овој тест? За колку време би одговориле вие?

М. А. | Црнобело