Среќа и мотивација: Зошто е важно да имате пријатели на работа?

По сè изгледа, познатата фраза дека приватното и деловното не се мешаат, всушност е една голема невистина.  А, пријателствата на работното место, пак, имаат подлабоко влијание на вашата лична среќа, одошто сте биле и свесни за тоа.

Според пишувањата на порталот „Fast Company“,пријателството во работен контекст би можело да биде клучно за нашата целокупна среќа во животот, а поткрепени се и од научните истражувања, кои нагласуваат дека блиските односи може да имаат позитивно влијание на ангажманот и продуктивноста на работното место.

Имено, пријателството во канцеларија, односно лицата кои секојдневно ги гледате на работното место, имаат потенцијал да ја зголемат вашата среќа, еднаква на заработката од над 100.000 долари на годишно ниво, покажуваaт резултатите од истражувањето објавено во „Тhe Atlantic“.

На вашиот шеф би требало да му биде особено битно да имате колеги со кои сте успеале да остварите пријателски однос и позитивна интеракција, бидејќи тоа воедно влијае и на подобрена мотивација, побрзо решавање на задачите и проблемите, но и можност за решавање на одредени приватни работи, кои можеби ве мачат, а кои ќе ги споделите со пријателите.

Токму дискусиите за деловниот, но и за приватниот живот, со личност од доверба на работното место, доведуваат и до поопуштена атмосфера, поради што се чувствуваме сигурно на работа, знаејќи дека секогаш има некој на кого може да сметаме, доколку нештата запнат во одреден сегмент.

А, зарем не е добра мотивација и да одработите сè навреме, за потоа да го заклучите работниот ден заедно со колегите, со студен пијалок во барот или кафулето отспротива? Секако дека ДА!

М. А. | Црнобело