Што е најважно да направите пред секое интервју за работа?

Кога станува збор за интервјуата за работа, неколку работи кои треба да ги направите пред самиот почеток се навистина важни.

Тука секако се подразбира вашето одлично подготвено CV, облеката која треба да биде соодветна со природата на ситуацијата, како и вашето одлично расположение и презентација.

Сепак, постојат 3 работи кои се уште поважни, а најчесто не сме свесни за нив или ги забораваме, па интервјуто пропаѓа во вода.

Со цел да не завршите неславно на вашето следно интервју за работа, еве што треба да направите пред самото одржување:

Добро истражете и проучете ја компанијата каде што сакате да работите

Едно од вообичаените прашања за време на интервју за работа е – знаете ли со што се занимава нашата компанија?

Свесни ли сте колку негативен впечаток оставате доколку вашиот одговор гласи НЕ?

Во време како денешното кога пристапот до информации е толку едноставен, потребно е да добро да го истражите профилот на компанијата.

Со што точно се занимава, колку долго опстојува на пазарот, каква е хиерархиската поставеност, кои се целите на компанијата… секогаш впечатокот е двојно подобар доколку покажете знаење и интерес за компанијата во којашто аплицирате за работа.

Гледате видеа на YouTubе

Секако, не од мали слатки животни или несолени шеги. Дел од видеата треба добро да ве подготват за интервјуто, во смисла на вашата поставеност, бидејќи говорот на телото зборува навистина многу.

Постои цела наука за тоа како повеќе да им се допаднете на идните работодавачи, од бојата на облеката која ја носите, до лакот на вашите нокти и фризурата. Да не зборуваме за начинот на кој се изразувате и вашите фацијални експресии.

Од друга страна, обидете се да пронајдете и видеа поврзани со компанијата каде што аплицирате – повторно со цел добро да ја проучите нејзината структура и визија.

Така, за време на интервјуто можете темелено да разговарате за целите и плановите на компанијата и како вие би можеле најдобро да се вклучите во истите.

Секогаш побарајте мислење пред да аплицирате за работата

Нашата држава е мала и работите се дознаваат прилично лесно. Па така, не доаѓајте во искушение да аплицирате баш секаде, затоа што не секоја работа е скроена за вас.

Воедно, не губете си го времето секаде. Пред да аплицирате добро распрашајте се каква е компанијата, како се однесуваат со своите вработени.

Прогуглајте, прочитајте туѓи искуства и консултирајте се со луѓе кои веќе имаат искуство во таа компанија таа или бранша на работа.

(О)Милена | Црнобело