24 правила за успех во животот од инвестициски банкар од Волстрит

Ричард Џенрет препорачува секогаш да имате план Б, наследник, резерви и сите пари да не ви стојат на едно место.

Неодамна почина легендарниот инвестициски банкар од Волстрит, Ричард Џенрет. Тој работел повеќе од 40 години на Волстрит, a почина од рак на 89-годишна возраст.

Но, пред тоа оставил рачно напишано писмо со 24 правила кои луѓето треба да ги почитуваат ако сакаат да постигнат успех во животот.

Писмото имало наслов „What I learned“ и неговите правила за успех гласат вака:

- Останете во играта. Често тоа е сè што треба да направите – да не се откажувате. Бидете истрајни! Не бидете човек што се откажува!

- Не ги палете мостовите зад вас.

- Запомнете – во животот нема поголем благослов од добриот пријател.

- Не ги оставајте старите пријатели зад вас – можеби ќе ви притребаат.

- Обидете се да бидете фини и кажувајте „благодарам“ често.

- Бидете информирани, односно учете постојано!

- Одржувајте пријателства со луѓе на секоја возраст – особено со помлади.

- Бидете горди.

- Планирајте однапред.

- Претворајте ги проблемите во можности.

- Наградувајте се.

- Користете добра граматика.

- Не пцујте премногу.

- Бидете отворени за промени.

- Забавувајте се, но не постојано.

- Секогаш имајте план Б, наследник и резерви. Не ги ставајте сите пари на едно место.

- Научете странски јазик.

- Патувајте многу низ светот.

- Не критикувајте некој пред другите.

- Не заборавајте да ја цените добро сработената работа (но не и лошо сработената).

- Не бидете губитник.

- Помага ако имате некој што ве сака (не само за секс).

- Одржувајте ги вашите стандарди високи.

- Гледајте ја големата слика, но не ги заборавајте малите детали.

С. С. | Црнобело