Бонтон во канцеларија: Работи кои луѓето со добри манири и култура никогаш не ги прават

Иако во зависност од компанијата, се разликува атмосферата и начинот на однесување, сепак постојат одредени правила кои треба секаде да се почитуваат.

Оние кои имаат добри манири, се однесуваат по одредени бонтон принципи и правила каде и да работат.

Ако сакате успешно да градите кариера, да имате добар однос со колегите и да бидете почитувани, треба да се водите до одредени бизнис бонтон правила.

Па, кои се најчестите грешки кои ги правите на работното место и што е она што културните луѓе никогаш не го прават:

Не се водат по општи бонтон правила

Вистинскиот џентлмен секогаш треба да ја пушти жената да помине пред него, но во канцеларија има различни правила.

Според модерниот бонтон, прв треба да влезе или излезе оној на кој вратата му е најблизу.

Жените не само што сами си отвораат врати, туку и може да ги пуштат мажите да поминат пред нив, а истото важи и за излегување или влегување во лифт.

Жените сами си ги носат, закачуваат и облекуваат палтата, а ако имаат потешкотии, тогаш мажите може да помогнат.

Не доцнат без известување

На работното место секогаш треба да стигате на време, но секогаш може да се случи непланирано доцнење.

Во таков случај, за секоја задоцнета минута, следи 2 минути за предупредување.

Па така, ако мислите дека ќе задоцните 10 минути, треба да известите 20 минути порано.

Не позајмуваат додатоци за работа од колегите

Според бизнис бонтонот, не треба да позајмувате помагала за работа од колегите.

Исто така, некои имаат навика да си играат и да вртат во рака предмет кој го нашле на туѓо биро, што е многу некултурно.

Секогаш имајте доволно од потребните додатоци за работа, како пенкала, стикери, тетратки, селотејп, ножици, хефталица и што и да ви треба за работата да се одвива нормално.

Истото важи дури и за полнач за мобилен, бидејќи е многу некултурно постојано да барате од колегите.

Не чекаат претпоставениот прв да се поздрави

Подредените вработени први се поздравуваат, а потоа надредените возвраќаат. Надредениот треба прв да поздрави само во ситуација кога тој влегува во просторија со повеќе вработени, па тој треба прв да ги каже поздравните зборови.

Не тропаат во просторија со повеќе од 3 луѓе

Според бонтонот за канцеларија, неопходно е да тропнете на вратата пред влегување, само ако во просторијата има помалку од 3 луѓе.

Ако има повеќе од тројца, можете слободно да влезете без предупредување и да се ракувате со сите присутни.

Продолжува на следната страна...