Што сè можете да правите на работа кога сите други не се во канцеларијата?

Ако се случува во одреден дел од денот да сте сами на работа, додека другите се по појадоци, ручеци и состаноци, тоа време можете да го искористите на различни начини.

На пример, користете што сте сами за да можете да го завршите креативниот дел од својата работа, да го средите бирото или да испиете кафе и да изедете ручек на мира.

Ова се неколку идеи како да го искористите тоа време:

Испразнете го инбоксот од мејлот

Дневно добивате стотици мејлови од кои само дел ви се потребни и релевантни. Не оставајте го празнењето на инбоксот за подоцна. Штом ќе добиете порака или преместете ја во друга папка или избришете ја доколку не ви е потребна.

Повикајте колега на ручек

Искористете го времето да поканите некој од другата канцеларија кај вас на ручек или на кафе. Склопувајте пријателства и споделувајте интереси, сигурно постои личност во вашта фирма која може да биде блиска со вас.

Контактирајте со своите ментори

Било да се работи за поранешни колеги, наставници, професионалци кои ве обучувале, доколку сте останале во контакт со нив, пишете им или слушнете се. Ќе им биде драго што сте се сетиле на нив, а можеби и повторно во животот ќе може да ви помогнат околу кариерата.

Работете во „airplane mode“

Кога сте сами во канцеларија, можете да го искористите тоа време за целосно да се сконцентрирате на работата и да завршите голем дел од работните задачи. Најважно е само да се исклучите од виртуелниот свет.

Обновете ја својата кратка биографија

Искористете го времето да го разгледате вашето постоечко CV и да размислите како можете да го обновите со новонаучените вештини.

Истегнете се

Имате доволно време и простор да направите кратки вежби за истегнување. Станете од бирото и раздвижете се. Тоа ќе ви ја подобри циркулацијата и ќе ви помогне потоа подобро да се сконцентрирате на работните задачи. По долгиот ден седење, навистина е важно да се истегнете и раздвижите.

Е. Д. | Црнобело