Како да одговорите на најчестите прашања на интервју за работа за да оставите добар впечаток?

Избегнувајте прашања од типот:

„Кога ќе добијам унапредување?“

Добро е да имате амбиции и да сакате да се движите напред, но со ова прашање ќе оставите лош впечаток. Многу подобро е да прашате дали има можност за напредок во оваа фирма.

„Кога ќе можам да земам одмор?“

Не би било добро да прашувате за слободни денови уште пред да ве примат на работа. Одморот секако ви следува по закон, па почекајте пред да почнете да дискутирате за ова.

Дополнителни совети за успешно интервју:

Истражете за компанијата пред да одите на интервју. На овој начин ќе бидете подобро подготвени, но и ќе покажете поголем интерес за новото работно место.

Не откривајте доверливи информации за претходното работно место. Не зборувајте за предизвиците, финансиските проблеми или што било слично за компанијата што сте ја напуштиле. Во спротивно, ќе изгледате како недоверлива личност.

Вежбајте ги вашите одговори. Истражете кои се најчестите прашања и истражете повеќе за тоа како е најдобро да ги одговорите.

Обрнете внимание на говорот на телото – седете исправено и избегнувајте ги нервозните гестови како тропање со нога и слично.

Пристигнете 10-тина минути порано. Немојте да доцните за интервјуто, но и немојте да пристигнете многу рано, како половина час.

Спирова С. | Црнобело