Работи кои таа не треба да ги знае

Секој маж има љубовно минато, мали ситни тајни и приватни работи кои на почетокот од врската не сака и не треба да ги открие.

Дури и во подолгите врски, обидете се некои работи да ги оставите само за себе, некои работи никако не треба да се спомнуваат пред новата девојка:

Бројот на љубовници и сексуални подвизи
Иако тоа е една од работите со кои се фалите пред пријателите, темата за бројот на сексуалните партнерки, прескокнете ги. Секако жените ќе прашаат, но не морате баш се да им кажете. Признавањето за сексот за една ноќ, авантурите и сличните работи само ќе повлечат уште прашања.

Трошоци и висина на плата
Ако не живеете заедно, девојката не мора да има увид во вашите финансии, висината на вашата плата или телефонската сметка. Но, кога живеете заедно и имате заеднички трошоци, повторно одредени работи треба да задржите за себе, вашата жена или девојка не мора да знае колку трошите кога излегувате со пријателите или колку чини вашиот нов мобилен телефон.

Семејни тајни и односот со родителите
Иако имате работа, пријатели и  девојка, не мора да значи дека од време на време не ви требаат родителите, било да се работи за финансиска помош или услуги кои вие ним им ги правите. Немојте на девојката да и ја кажувате секоја ситница од вашиот однос со родителите бидејќи така ќе има контрола над вашиот живот што подоцна може да ви се свети.

Своите слабости и стравови
Ако пред девојката постојано зборувате дека се плашите од стоматолог, височина или друго нешто, таа ќе помисли дека не може да се потпре на таков маж. Пред девојката, иако не сте, глумете силен маж.

Активности во бањата
Повеќето мажи немаат срам околу разговорите за WC активностите, а исто така повеќето жени тој обичај го мразат. Колку пати, кога и зошто одите во бањата, оставете го за себе, бидејќи тоа навистина, никој друг не го интересира.

Тајните на вашите пријатели
Некои парови редовно ги озборуваат пријателите и нивните врски, но тоа не е секогаш паметно. Ако вашиот најдобар пријател ја изневерува девојката, а вие со него често излегувате, само е прашање на ден кога тоа ќе предизвика бес кај вашата партнерка.

Статистика за мастурбирањето
Многу мажи кои што имаат редовен секс и понатаму продолжуваат со својата омилена навика, секојдневната мастурбација. Самозадоволувањето само по себе не е лошо, но неговото спомнување во разговорот може да предизвика компликации. Таа може да помисли дека не е доволно добра или дека вие всушност сакате секс со некоја друга.

Подароци и работи од бившите девојки
Дури и ако имате полна куќа работи кои ви ги подариле бившите девојки, тоа немојте да го спомнувате. Секој пат кога вашата сегашна девојка или жена ви го види тоа ЦД, маица или парфем, ќе добие желба да го фрли или да го сокрие од вас. Причина е љубомората, но  во овој случај таа навистина може да се надмине.