Исповеди на мажи: Како изгледа „идеалното“ раскинување?

Иако никој не сака да биде оставен, сепак неколку мажи се доволно храбри за да раскажат какво би било „идеалното“ раскинување?

Па, девојки, доколку имате ваков план, а не сакате никој да биде повреден, запаметете:

„1.Лично, очи во очи. 2.На приватно место. 3.Искрено. Да ми објасни зошто раскинуваме. Без не е до тебе, до мене е оправдување.“

„Најдобро е да ми даде причина малку да ја замразам, барем во прво време. Така ќе ми биде побезболно.“

„Сметам дека последната девојка ми раскина идеално – без драма, без замачкување очи. Едноставно, ми кажа дека повеќе не чувствува ништо за мене и не смета дека имаме иднина.“

„Како и да ми раскине, само не сакам да слушнам дека може да останеме пријатели. Не. Не можеме.“

„Биди директна, искрена и не почнувај да се гледаш со некој утредента откако си ми раскинала. Тоа би било тоа што сакам да го знаат сите мои идни девојки.“

„Би сакал да биде како вадење фластер. Болно, но брзо.“

„Очекувам девојката да ми даде некакви знаци пред да ме остави. На пример, заладувањето на односите одреден период е идеално за да разберам на каде се движи работата и психички да се подготвам.“

„Мажите сакаат да ги знаат деталните причини зошто врската завршува и јас спаѓам во таа група. Нека не ве мрзи да наброите што не ви одговарало.“

„Штом веќе ме остава и повредува, би сакал тоа да биде искрено и да ми остави простор да си заминам како маж, без да ми ја потценува интелигенцијата.“

М. Д. | Црнобело