Знаци кои го откриваат вистинското лице на мажот

Колку и потенцијалниот партнер да глуми фин, културен и внимателен дечко, мали сигнали го издаваат дека тоа всушност е маска.

Постои верување дека џентлмените се одамна изумрен вид. А, во оваа теза е мошне лесно да поверувате, после секое излегување во град.

Дали манирите и убавото однесување, денес се само фарса од врвните манипулатори? За волја на вистината, можно е да се налета и на ретко пристоен и добро воспитан фраер. Меѓутоа, нив е тешко да ги разликувате, бидејќи повеќето само глумат дека се такви.

За среќа – постои начин навреме да ги „прочитате“ вторите. Ова се знаците кои го откриваат вистинското лице на мажот:

Насила се труди да биде кавалер.

Вистинскиот џентлмен ќе сака да ја плати вечерата и ќе потрча да ви ја отвори вратата од автомобилот. Доколку го одбиете – нема да се налути. Од друга страна, манипулаторот бесно ќе изреагира, затоа што е опседнат со правилата.

Па, ништо чудно и да ве прекори, бидејќи не сте му дозволиле да се покаже дека е кавалер. А, ако навистина е таков, тогаш не би се оптоварувал до толку со самодокажување, зар не?

Претерува со давање комплименти.

На сите жени им годат убавите зборови на нивна сметка. Ама, постои и граница на добриот вкус. Тоа го знае вистинскиот џентлмен, па не претерува со давањето комплименти по секоја цена.

Манипулаторот, пак, до таа мера ќе ве опсипува со слаткоречиви фрази, што дури и ќе ви стане незгодно. Лажните џентлмени и лажните комплименти секогаш доаѓаат во пакет.

Секогаш бара нешто за возврат.

Нема девојка што барем еднаш не налетала на додворувач, кој си мислел дека таа му e должна, бидејќи тој ѝ ја платил пијачката. Вистинските џентлмени прават убави гестови, затоа што ним природно им доаѓаат.

Манипулаторите очекуваат за нивните „добри“ дела да им биде возвратено. А, честопати само се обидуваат да најдат пат до креветот на жената.

Пристоен е само кон девојката.

Најдобар начин да го препознаете лажниот џентлмен, претставува согледувањето како се однесува кон останатите луѓе, кои за разлика од жената, не се обидува да ги освои.

Манипулаторите неретко се претерано фокусирани на метата, така што забораваат да глумат и пред другите. Ако е прекрасен со вас, а безобразен кон келнерката, само прашање на време е кога ќе го запознаете неговото вистинско лице.

М. A. | Црнобело