Совети како да се зближите со партнерот на едно поинтимно ниво

Интимноста е важен фактор за изградба на квалитетна и долготрајна врска. Колку сте навистина интимни со партнерот, колкава е вашата доверба, колку време трошите за да се посветите едни на други? 

Ова се само некои од прашањата кои можат да одредат колку сте интимни.

Ако сакате да изградите или да го зајакнете интимниот однос со вашиот партнер, обрнете внимание на советите подолу.

Слушајте го вашиот партнер

Кога разговарате со партнерот, дајте му го целото внимание. На овој начин ќе го задржите вашиот фокус на разговорот. Колку што е важно да учествувате во разговорот, толку е важно и да знаете да слушате.

Не форсирајте

Важно е на партнерот да му кажете дека сакате да работите на вашата заедничка интимност, но не треба да се налутите доколку вашиот партнер не е воодушевен со идејата, како што сте вие.

Пробајте со индиректен пристап, на пример, пронајдете текст во кој се зборува за важноста на интимните односи меѓу партнерите, и оставете го на местото каде што вашиот партнер ќе може да го пронајде и прочита.

Изградете интимност со себе

За да ја подобрите интимноста со вашиот партнер, треба да бидете задоволни со себе. Ова ќе го постигнете доколку најдете време да уживате во нешто што сакате.

Романтично рандеву

Кога последен пат бевте на романтичен состанок? Тоа не мора да биде ништо посебно, обична вечера, филм или прошетка низ шума, парк...

Разгледајте ги и другите совети и идеи. Бидете креативни.

Разубавете го ентериерот

Секојдневните проблеми можат да влијаат на расположението. За да се чувствувате добро во својот дом, обрнете внимание на внатрешниот декор.

Физички допир

Не треба да се претерува со физичките нежности кога партнерот не е расположен за тоа, но некои ритуали кои ги повторувате (како бакнеж пред работа, прегратка пред спиење и сл.) не се напорни, а секогаш се корисни.

Изненадете го вашиот партнер

За одржувањето на интимноста меѓу долгогодишни партнери, најважни се малите нешта на кои обично забораваме- комплименти, мали подароци без посебна причина и сл. Изненадете ги кога најмалку очекуваат со некоја убава геста.

Бидете трпеливи

Како што веќе спомнавме, работите не треба да се форсираат, бидејќи се постигнува спротивен ефект. Бидете отворени, искрени и трпеливи.

Ашера | Црнобело