„Користам 2 презервативи истовремено за подобра заштита“ – 5 најчести заблуди за сексуално преносливите болести


„Користам 2 презервативи истовремено за подобра заштита“ – 5 најчести заблуди за сексуално преносливите болести

Колку сме запознаени со нашето сексуално здравје и колку отворено зборуваме за тоа? Како да го заштитиме и кои се последиците од занемарувањето на сексуалното здравје врз нашата општа здравствена состојба?

5-najcesti-zabludi-za-SPB-01.jpg

И покрај модерното време и напредокот, сексуалното здравје сè уште се смета за табу-тема.

Време е да се промени тоа со разбивање на петте најчести заблуди односно митови во оваа насока:

1. Ако еднаш сум имал/а сексуално пренослива болест не можам да заболам повторно

Факт: Само некои сексуално преносливи болести оставаат траен имунитет и во тој случај оваа изјава е точна. Но, повеќето сексуално преносливи болести не создаваат имунитет. Затоа, во повеќето случаи, можно е повторно да се заразите со истата болест.

2. Користам 2 презервативи истовремено за додатна заштита

Факт: Двојниот кондом не обезбедува и двојна заштита. Кога користите два презервативи истовремено, постои поголема можност да пукнат поради триењето, што може да доведе до несакана бременост и пренесување на сексуално пренослива болест.

3. Можам да ги избегнам сексуално преносливите болести доколку практикувам орален и анален секс

Факт: Без оглед на видот на сексуалниот однос, било да е орален, анален или вагинален, лицето може да се зарази сосексуално преносливи болести.

4. Таблетите за контрацепција ме штитат од сексуално пренослива болест

Факт: Апчињата за контрацепција штитат од зачнување (бременост), но не и одсексуално преносливите болести. Нивната цел е да спречат несакана бременост и да ги регулираат хормоните, не и болестите.

5. По изгледот можат да препознаам која има сексуално пренослива болест

Факт: Сексуално преносливите болести често не предизвикуваат никакви симптоми, а заразените луѓе не изгледаат ниту се чувствуваат болни, па одговорното сексуално однесување е исклучително важно.

(О)Милена | Црнобело

Би можело да ве интересира:

Колку често имаат секс другите парови? Колку често имаат секс луѓето во 20-тите години од животот, колку во 30-тите, а ...
Колку сексуални партнери имаат луѓето во просек во текот на животот? Постојано се прават истражувања на тема љубов и секс, а резултатите се секогаш р...
Мажот што те сака... Ќе се грижи за тебе повеќе отколку за себе Мажот што те сака... Гордо ќе кажува дека ти си негова партнерка. Ќе т...

Најчитани неделава

sonovnik-sidebar.jpg