Летни романси

Најновите истражувања на психолозите покажаа дека галењето делува поволно на човечката психа. Повеќе галење – повеќе самодоверба...

...тоа е рецептот. Летото е вистинско време за изнаоѓање повеќе простор за себе, па и за нежности кон другите (оние што ги сакаме, пријателите, партнерот).

Значи, најдобро е со допир да му покажеме некому што ни значи. Пронајдете време за малку нежност и внимание кое ќе ви биде возвратено.

Допирот на саканата личност ги јакне позитивните емоции и ја брише трагата на непријатните случувања, проблемите и стресот.

Ако сте осамени, повторно обидете се да пронајдете некој близок. Нека не ве обесхрабруваат поранешните неуспеси и бројните опоменувачи (неретко и лоши) приказни на вашите комшии, пријателки, баби, тетки....

Помислете само колку жители има на Земјата и ќе сфатите дека барем неколку се создадени за вас. Потоа, напред: дозволете и на својата потреба за нежност да превладее, а за возврат примете ги туѓите емоции.

Дури и без студиски проучувања и други детални анализи веројатно ќе се чувствувате подобро.

Галењето, допирањето и покажувањето на радост и пријатност е нешто што би требало да се „собере“ во текот на летото и од тоа да се направи „зимница“ за да ни се најде во досадните зимски денови.

Топлината ќе направи барем за миг срцето да ви чука посилно (велат на заљубените никогаш не им е студено).

Доколку сте успеале да го задржите допирот на саканата личност или личноста која ви се чини блиска, ете терапија за вашата самодоверба без разлика дали зборуваме за авантура, почеток на долга врска или едноставно – љубов.