Што мора секој маж да има во плакарот?

Како потопло, но и во тренд, да се преживеат студените месеци што се пред нас? Пополнете го својот плакар со „ин“ парчиња кои во исто време...

...греат, штитат од дожд и снег, а воедно го издигнуваат вашиот стајлинг на повисоко ниво.

Палтата се можеби скапи, но безвременска зимска инвестиција. Згодни се за сите прилики, од деловни обврски, до саботни излегувања. Оваа сезона дизајнерите обожуваат сива боја и каро шара. Одлучете се за сиво црна комбинација, или палто во кафена нијанса.

Кожната јакна е во ист моден ранг како и палтото. Со топол плетен џемпер можете да ја носите и за време на студените месеци, а со доаѓањето на пролетта носете ја со куси ракави. Не можете да погрешите со црна и темно кафена боја.

Карото продолжи да владее, па и оваа сезона карираната кошула е нешто што морате да го имате за подобар секојдневен и деловен изглед. Одберете сива, или маслинесто зелена боја затоа што лесно се комбинираат со другите бои.

Модните детали оваа сезона се големи и впечатливи. Незаобиколна е големата торба во која ќе ги собере сите ваши потреби работи. Со неа можете директно од работа да одите на тренинг, во теретана и на пијалак со пријателите.

Шубара и топла пилотска капа, кафен шал со интересна апликација и ракавици се детали кои ќе ве греат и кога температурите ќе паднат под нулата.

Можеби сонцето не грее, но и понатаму зрачи со штетни зраци. Поради тоа немојте да заборавите на квалитетните очила за сонце.