Доказ дека Марго Роби е вистинската Барби - актерката мами воздишки во аутфитите на познатата кукла (фото)

На промотивната турнеја на филмот Barbie, Марго Роби уште еднаш покажа зошто е совршен избор за улогата на Барби – на секоја проекција, актерката се појавуваше во комбинации кои се идентична копија на стајлинзите на популарната кукла.

Филмот Barbie руши рекорди со гледаност и заработка неполна недела откако почна да се прикажува во киносалите ширум светот.

Носталгијата што ни ја буди познатата кукла, во комбинација со одличната актерска екипа и талентираната режисерка Грета Гервиг, Barbie беше еден од најочекуваните филмови за ова лето.

На промотивната турнеја на филот Barbie, Марго Роби само потврди дека е совршениот избор за улогата на култната кукла.

На проекциите на филмот низ САД, 33-годишната актерка се појавуваше во комбинации инспирирани од Барби кои се идентични со аутфитите на куклата до најситниот детаљ.

Во повеќето комбинации доминира розовата боја која е синоним за Барби.

Комбинациите на убавата Марго инспирирани од Барби:

На премиерата во Лос Анџелес актерката носеше долг, тесен фустан со светки, украсен со чипка на долниот дел, во комбинација со црни ракавици и впечатлив ѓердан.

Марго во шарено кратко фустанче со розови штикли и розова чанта.

Во Мексико Сити, актерката носеше розов мини фустан со корсет, во комбинација со розови штикли, сребрен колан и сребрени обетки.

На прес-конференција во Сеул, актерката се појави во розов костим и кроп-топ маичка украсени со сребрени нитни, во комбинација со розова чанта во форма на срце.

Актерката во розов костум во комбинација со шешир. Интересен детаљ е огромниот фиксен телефон украсен со кристали.

Марго изгледаше прекрасно во фустан со розово здолниште и светкав корсет.

На промоцијата во Сиднеј, актерката се појави во црно-бело фустанче инспирирано од оригиналната Барби кукла од далечната 1959 година.

На фотосесија во Холивуд, актерката носеше краток розов фустан со бели точки и исечок под градите, во комбинација со бели штикли и жолта чанта.

Спирова С. | Црнобело