Викторија Лоба во розовите Birkenstock влечки кои ги носеше и Марго Роби во филмот „Барби“ (фото)

„Ајде Барби, да одиме на забава“ - напиша на својот Инстаграм профил, Викторија Лоба до фотката на која позира во целосно розов аутфит и со розовите Birkenstock влечки, што благодарение на Марго Роби станаа мега-популарни во светот.

По премиерата на филмот Barbie, светот го зафати „розова“ треска, а голем број дами одлучија да носат дел од облеката што познатата актерка ја носеше во филмот.

Меѓу омилените модни парчиња се и ретро влечките со ременче, што со години наназад заради својата удобност се омилени меѓу светските познати дами.

Речиси низ целиот филм Марго Роби носи високи потпетици, но кон крајот, одлучува да ги замени со удобни влечки, па на нозете носи розови Birkenstock влечки.

Станува збор за влечки кои се изработени од ѓон од плута кој е специјално обликуван за да се прилагоди на обликот на стапалата, а досега голем број познати дами биле уловени како носат вакви влечки во разни бои.

Birkenstock влечките беа популарни уште минатата година, а ова лето благодарение на Марго Роби најпопуларни станаа розовите модели.

Кејти Холмс, Наоми Ватс, Џиџи Хадид, Кајли Џенер, но и Рис Винтерспун се само некои од славните девојки што досега биле фотографирани во вакви влечки.

Кај нас, Викторија Лоба уште минатата година се фотографираше во бели Birkenstock влечки, а годинава објави фотка и со розовиот модел што го носеше Марго Роби.

На следната страница уште неколку познати дами кои се појавија во вакви влечки...