8 модни тајни со кои Скандинавките изгледаат одлично дури и на ниски температури

Шарени дебели чорапи, долги кожени јакни, плетени џемпери и дебели елеци наместо јакни... Жените во скандинавските земји навистина имаат поинакво чувство за мода од останатите. Дали би се облекле и вие така?

Скандинавските жени се предводнички на зимската мода – тие знаат како да се дотераат за да не им студи, а истовремено да покажат дека имаат стил, дури и на екстремно ниски температури.

Кои модни правила на Скандинавките можете да ги следите и вие во зима?

Удобни наместо женствени чевли

Поради студените зими со температури под нулата, мразот и снегот кој не се топи со месеци, жените во скандинавските земји ретко носат високи потпетици.

Тие преферираат удобни обувки во кои ќе им биде топло.

Чизмите им се со рамен ѓон – тие избегнуваат дури и дебели потпетици.

Не одат никаде без дебели чорапи

Дебелите чорапи со различни дезени се вистински хит.

Ги носат кренати над чевлите.

За разлика од Русинките, кои и на снег знаат да излезат од дома со голи глуждови, Скандинавките секогаш ќе изберат дебели чорапи (по можност од волна).

Ја носат поинаку кожената јакна од сите останати жени

Скандинавските жени веруваат дека кожената јакна треба да е удобна. Затоа и најслабите жени најчесто избираат XL или ХXL модели кои ќе им го покријат не само торзото, туку и колковите.

За разлика од останатите жени во светот, кои избираат црна боја, Скандинавките се решаваат за јакни во кафеава боја.

Купуваат квалитетни панталони/фармерки кои се удобни

Според жените во скандинавските земји, панталоните, пред сè, треба да се удобни. Затоа не носат тесни модели, туку широки и рамни парчиња.

Во Шведска, на пример, најмногу купуваат фармерки со висок струк, а во Данска омилени им се црните панталони.

Во северните земји популарни модели на панталоните се и оние со вертикални линии или панталони во стилот на пижами – меки, удобни и широки.

Продолжува на следната страница...