5 типа ролки кои треба да ги избегнуваат жените по 40-тата година

Ролки во здодевни бои и полуролки едноставно не им прилегаат на дамите над 40 години и треба да ги заменат со поинакви модели...

Ролките се совршен избор за студените зимски денови. Но, кога жените ќе наполнат 40 години, треба да внимаваат при изборот, бидејќи постојат 5 типа на ролки кои не се најсоодветни и треба да ги избегнуваат, според стилистите.

Па, ако имате над 40 години, и некоја ваква ролка во својот плакар, можеби време е да ја фрлите и да ја замените со некој поинаков модел.

Кои ролки треба да ги избегнуваат жените над 40 години?

Тенки синтетички ролки

Најважната работа кога купувате облека е квалитетот, а тоа не се синтетичките производи, во кои влегуваат и тенките синтетички ролки.

Освен што не ѝ дозволуваат на кожата да дише, тие ја оцртуваат секоја неправилност, вклучувајќи ги линиите од долната облека или „фалтите“ околу половината.

Полуролка

Полуролката визуелно го крати вратот и ги нагласува линиите кои се појавуваат кај некои жени.

Овој ефект не е лош кај помладите девојки, но по 40-тата година е препорачливо да се избегнува.

Наместо тоа, изберете ролка која може да се поткрева и спушта, па зависно од должината на вратот да се постави совршено на него, а притоа да ги скрие сите недостатоци.

Здодевни бои

Заборавете на здодевните бои како сива, темно маслинеста, темно кафеава, темно беж... Сите овие бои додаваат години.

Наместо тоа, купете ролка во зелена боја, портокалова, светло кафена, светло сина или светло сива, виолетова, црвена - весели бои кои подмладуваат.

Ролки со широк „врат“

Ролките кои се широки околу вратот и паѓаат врз деколтето не делуваат ни малку привлечно.

Тие не се елегантни, ниту може да се комбинираат лесно, па затоа е препорачливо да се избегнуваат.

Ако сакате отворено деколте, тогаш изберете дебела блуза во V израз.

Комплексна текстура

Џемперите и блузите со комплексна текстура, волуменозни плетенки, дебели „бранови“ или карнери на ракавите (кај рамото), делуваат непривлечно и додаваат килограми.

Затоа, изберете модели со поедноставна плетка, со некое копче како украс, на пример.

Ваквите модели се нежни, паѓаат лесно на телото и ја истакнуваат силуетата.

А. Ј. | Црнобело