5 типа обувки кои ќе бидат во тренд до крајот на зимата

Од спортски патики со голема платформа, до тренди чизми - Какви обувки ќе бидат во мода до крајот на зимата?

Стилистите велат дека 2024-та година ќе биде во знакот на удобноста, барем кога се обувките во прашање.

Тие препорачуваат пет различни типа обувки, кои изгледаат привлечно и тренди, а сепак се удобни.

Какви обувки да изберете пред крајот на зимата?

Обувки до (или малку над глуждот) со текстура

Иако можеби некој од овие модели нема да ви се допадне на прва, впечатокот ќе ви се смени кога ќе ги облечете на нозете.

Во 2024 ќе доминираат модели со дебела гума, груба кожа и мек велур, со патент или ластик, по ваш вкус.

Обувки на платформа

Обувките на платформа ќе бидат модерни и до крајот на зимата, но и напролет.

Не постои специфичен модел кој ќе биде во тренд, сè додека чизмите или чевлите што ги носите се на платформа.

Ова придонесува и за удобноста на обувките, бидејќи платформата ѝ дава поубав пад на ногата, а и во нив се оди полесно отколку на тенки штикли или на обувки со тенок ѓон.

Чизми со „пресечен врв“

Оваа сезона во мода се два типа на чизми, а едните од нив се чизми со „пресечен“ врв во вид на коцка.

Мислењата за овој модел се поделени - едни велат дека се ултра модерни, за други ваквите чизми делуваат смешно.

Но, стилистите тврдат дека овој тип на обувки ќе биде хит до крајот на сезоната - во прилог им оди и удобноста.

Чизми со шпиц

Вториот тип модерни чизми се оние со шпиц.

Иако се помалку удобни од оние со „пресечен врв“, сепак се меѓу најмодерните обувки за оваа сезона.

Патики го гломазна платформа

Патиките со гломазна платформа не само што ќе бидат популарни до крајот на зимата, туку ќе продолжат да се носат и напролет.

Каков модел и да изберете, нема да згрешите.

А. Ј. | Црнобело