Убавата велешанка Татјана (21) доминираше на ревија на светски бренд во Франција (видео)

Нашата Татјана Јанушева - Тати (21), која веќе неколку години гради интернационална кариера, оваа сезона работи во Париз и за кратко време го привлече вниманието на модните дизајнери.

Убавата велешанка, Татјана Јанушева - Тати (21), е еден од најпознатите македонски интернационални модели.

Откако работеше во Франција, Турција и Италија, таа повторно е во Франција, каде што беше една од ѕвездите на ревијата на познатиот спортски бренд Fila, која се одржа во областа Ет и Лоар.

Татјана оваа сезона престојува во Париз, каде што од самото пристигнување има модни ангажмани, но ревијата на познатиот бренд е најголемиот проект на кој работеше таму, досега.

Таа, заедно со уште неколку модели, ја промовираше колекцијата која е наменета за љубителите на голф.

Ревијата се одржа во Chateau de Maintenon, во областа Ет и Лоар, а имаше голем број познати гости и љубители на модата.

Тати веќе неколку години работи како интернационален модел и во овој период беше дел од многу кампањи за познати брендови, вклучувајќи ги Prada и Gucci.

„Многу сме горди на Татјана и на сè што постигнала досега, но нејзиното време допрва доаѓа“, велат од нејзината матична агенција „Моделс ИН Менџмент“.

Претходно, во интервју за CRNOBELO.com, Татјана ни откри дека од мала работи како модел.

„Мое мислење е дека за да се биде добар модел најважна е самодовербата, упорноста и напорната работа, односно одржување на телото со помош на исхрана и многу физичка активност“, рече тогаш.

Погледнете го видеото од ревијата:

Прочитајте и Македонско девојче: Татјана е 19-годишен модел од Велес за кој слушна и светот (фото)