7 стилски модни комбинации за тазе породени мајки (на кои комфорот им е на прво место)

Aко уште не сте вратени во форма по породувањето (а сакате), или едноставно ви е тешко да се организирате и најлесно ви е на вас да ставите хеланки и маичка, а сакате да го промените тоа, тогаш инспирирајте се во продолжение. 

Телото на жените во бременоста и по породувањето се менува многу, и сосема е нормално во првиот период (па и подолго) по раѓањето да не се чувствуваат сите пријатно и да си го сакаат комфорот.

Секако, има исклучоци, но за оние тазе породени мајки, на кои удобноста им е на прво место, но сепак сакаат да изгледаат средено, а немаат идеја во што да излезат и се во хаос, овие предлолзи може да се од корист.

Со неколку добро избрани модни парчиња и комбинации, ќе изгледате стилски, а сепак ќе ви биде удобно на секојдневните прошетки или на посвечени настани:

Миди црн фустан со колан на половината, кој паѓа со минимален А крој

Комбинезони кои имаат широки или ѕвонести ногавици и не се припиени за цело тело

Макси фустани кои изгледаат раскошно, а нудат удобност одоздола

Ленени широки панталони со маичка или комплет елече

Широки Mom фармерки со пријатна кошула или маичка

Удобни панталони или широки шорцеви со маичка и раскопчана кошула одозгора

Фустанче на раскопчување (посебно погодно за мајките кои дојат)

М. М. | Црнобело