8 модни додатоци кои Французинките ги носат поинаку од другите жени

Иако повеќето стилисти ќе ви кажат дека златото не оди со сребро, Французинките ги носат заедно, без размислување и покажуваат дека двата благородни метали одлично се комбинираат.

Французинките се синоним за мода и стил.

Па, кога не знаете како да се облечете, што да комбинирате или какви модни додатоци да користите, инспирацијата можете да ја најдете токму кај нив.

Доволно е да погледнете неколку Инстаграм профили на Французинки или статии за мода, за да сфатите дека тие дури и аксесоарите ги носат поинаку од другите жени во светот.

Ова се 8 начини на кои тие ги носат (и комбинираат) аксесоарите - некоја од овие идеи сигурно ќе ја „украдете“ и вие:

Не обожаваат микро чанти

Французинките често носат чанти преку рамо, но не микро модели, за кои сметаат дека се застарени, туку поголеми чанти во кои ќе можат да стават и други работи, а не само мобилен телефон и пари.

Ги украсуваат чантите

Овие жени сакаат да ги украсуваат чантите со панделки или приврзоци за тие да делуваат уникатно и шик.

Носат плетени торби кога пазарат

Наместо ќеси или платнени торби, Французинките избираат плетени торби од конец кога одат во продавница - за нив ова не е само торба, туку и моден додаток кој „стои“ подобро на облеката од хартиена или пластична ќеса.

Комбинираат злато и сребро

Иако повеќето стилисти ќе ви кажат дека златото не оди со сребро, Французинките ги носат заедно, без размислување и покажуваат дека двата благородни метали одлично се комбинираат.

Носат очила за сонце и на дожд и на снег

Не само што ги штитат очите, темните очила се совршен аксесоар за секоја гардероба, па затоа Французинките ги носат во текот на целата година, дури и кога надвор врне или паѓа снег.

Чорапите ги сметаат за кул аксесоар

За Французинките чорапите освен што имаат функционална примена, тие се и кул аксесоар - знаат да комбинираат чевли со проѕирни најлонски хулахопки и да облечат чорапи за да изгледаат поинаку од сите останати.

Метални ремени

Кожените ремени им се здодевни, па затоа изгледот на гардеробата го „заокружуваат“ со метални ремени.

Обожаваат портокалови модни додатоци

Французинките ја освежуваат гардеробата со портокалови модни додатоци - тоа може да е чанта, шамија околу врат, беретка, накит.

А. Ј. | Црнобело