7 трикови што ќе ви помогнат од око да ги изберете најквалитетните фармерки

Обрнувате ли внимание на рабовите, големината на алките за ремен или на нитните?

Фармерките се универзално парче облека, што може да се носи во секоја пригода, а речиси секој од нас дома во гардероберот има барем по еден пар.

Може да се носат во комбинација со маичка, со кошула, а се синоним за комфор и опуштен изглед.

Тексас фармерките исто така се синоним за издржливо парче облека, кое треба да можете да го перете често, но и да го носите неколку сезони.

Затоа, при купување фармерки освен што треба да се обрне внимание на моделот и на тоа како ви стои на обликот на вашето тело, треба да се обрне внимание на уште неколку детали за да знаете дека сте избрале квалитетно парче облека, што долго ќе ви трае.

Во што е тајната?

Обрнете внимание на бојата на внатрешноста

Тексас материјалот од надворешната страна е потемен, а внатре е посветол и тоа е прв знак дека во раце имате фармерки што се изработени од ваков материјал.

Ако пред вас гледате фармерки кои имаат идентична боја и одвнатре и однадвор, тоа е веројатно така, затоа што се изработени од друг вид материјал, а не од издржливиот тексас.

Погледнете ги убаво рабовите во внатрешноста

Кај поквалитетните модели, често рабовите на ногавиците се сошиени, а секоја ногавица е изработена посебно.

Кај поевтините модели најчесто двете парчиња од ногавицата се сошиени заедно. Како резултат на тоа, рабовите изгледаат подебело, а може да не се чувствувате пријатно кога ги носите.

Составот на материјалот

Иако тексас материјалот е мошне издржлив, и тој има свои мани. Често се случува да се соберат по првото перење, а откако ќе се исушат делуваат круто и им треба време да се опуштат и да бидат комотни.

Затоа, често на материјалот му се додава ликра, спандекс или полиестер.

Но, кај квалитетните фармерки, процентот на овие материјали треба да биде од 0,5 до 3%, ако овој процент е повисок, тоа значи дека фармерките може брзо да се растегнат и да го загубат обликот.

Продолжува на следната страница...