12 модни парчиња што треба да ги имате во гардероберот оваа есен

Иако чевлите со дебел ѓон сè уште се застапени во голем број продавници, тие се сметаат за модел што беше доминантен минатата сезона – годинава актуелни се класичните мокасинки со потенок ѓон. Кои модни парчиња се носат сезонава и во кои ќе изгледате модерно?

Есенската сезона е проблематична, затоа што понекогаш не знаете како да се облечете.

Утрата се студени, преку ден може да биде топло, а потоа да бидете изненадени од поројни дождови …

Како да изгледате ултрамодерно сезонава и кои модни парчиња да ги набавите?

Мокасинки

Тие се идеални чевли за есента, затоа што речиси никогаш не излегуваат од мода. Годинава се носат класични мокасини, како и оние со подебел ѓон коишто беа во тренд минатата година.

Сепак, се смета дека класичните мокасинки од превртена кожа може да изгледаат елегантно во секоја пригода, а најдобро е да изберете модел во кафеава боја – идеална за есента.

Лелеави здолништа

Годинава се модерни лелеавите здолништа, инспирирани од 60-тите години на минатиот век. Воопшто не е важна бојата, но ваквиот модел на здолниште ќе направи да се чувствувате женствено и одговара на секаков вид блузи.

Дефинитивно треба да заборавите на тесните здолништа со голем број џебови, кои веќе не се модерни.

Широки пантолони

Широките, опуштени модели на пантолони сè уште се во мода, но вистински проблем е кога треба да ги носите на дождливо време и на кал.

Оваа есен пак се враќаат во мода потесните пантолони со висок струк, кои се малку пошироки во пределот на колковите и се стеснуваат во ногавиците.

Палто со висока јака

Наместо палтата и капутите со класичен крој, годинава во мода се модели со висока или исправена јака.

Изгледаат модерно, а истовремено ве штитат и од студот и ветерот.

Чизми до глужд со правоаголен врв

Ако во изминатите сезони беа модерни чизмите со шпицест и заоблен врв, оваа сезона на модните писти се враќаат моделите со правоаголен врв.

Идеални се за носење со широки пантолони и здолништа.

Широки шалови и пончо

Заборавете на свилените марами, затоа што сезонава пак се во мода широки волнени шалови, пончо и наметки, коишто може да се носат врз палто или јакна.

Продолжува на следната страница...