6 трендови од Модната недела во Париз што ќе бидат хит оваа есен

Покрај леопардскиот принт, и комбинацијата од кратко здолниште со долг мантил станува популарна кај модните инфлуенсерки.

Кон крајот на септември се одржа Модната недела во Париз.

Овој период се одржуваат ревии на врвните модни дизајнери, а посетителите ја користат можноста да го покажат својот уникатен моден стил.

И, Модната недела честопати е предвесник на трендовите што ќе доминираат.

Шест трендови од Модната недела во Париз што ќе бидат хит есенва:

Леопардски принт

Леопардскиот принт се смета за неутрален бидејќи може да се комбинира со секакви парчиња, во секакви бои.

Изгледа одлично на еден детаљ, како чанта или чевли, но ако сте похрабри, не двоумете се дали да облечете капут или здолниште со леопардски принт

Кратко здолниште со долг мантил

Ако сакате да носите мини здолништа, но не сакате да изгледате многу разголено, тогаш комбинирајте ги со долг мантил.

Оваа комбинација е одлична и за есенските денови.

Струкирано сако или палто

Периодов популарни се широките палта, но хит стануваат и струкираните модели.

Најдобро изгледаат во комбинација со здолниште, а стојат добро на секакво тело бидејќи ја истакнуваат половината.

Светки и монисти во дневни комбинации

Ако сакате да изгледате впечатливо, тогаш не ги чувајте светкавите парчиња само за вечерни излегувања.

Светкавите фустани комбинирајте ги со нешто поедноставно, како еднобоен мантил.

Или, пак, едноставната облека комбинирајте ја со впечатлива светкава чанта.

Во овој случај важно е да не претерате, односно само еден дел од гардеробата да биде со светки, а сè останато да биде минималистичко.

Црни монохроматски комбинации

Кога не сте сигурни што да облечете, никогаш нема да погрешите со црна боја.

Можете да ги комбинирате кои било црни парчиња и модни додатоци и ќе добиете одличен аутфит.

Можете да го подолните изгледот со минијатурен златен или сребрен накит.

Реси

Иако некој период не беа популарни, се чини есенва повторно ќе гледаме реси.

Покрај елеците и чантите, сезонава популарни се и здолништата со реси.

Спирова С. | Црнобело