8 застарени модели на накит и модни додатоци кои треба да ги замените со помодерни

Заборавете на ремени и чанти со огромни логоа и букви на брендови, старинскиот златен накит заменете го со помодерен, бирајте масивен но едноставен дизајн на бразлетни наместо детски врвки на раката. 

Вистина е дека луѓето не се оценуваат по изгледот, туку по внатрешноста, но мора да признаеме дека сепак првиот впечаток е многу важен.

Па, доколку сакате да следите модни трендови, време е да се насочите кон трендот „тивок луксуз“ кој веќе некој период владее во светот на модата.

Наместо големи логоа, фокусирајте се на едноставна елеганција и заборавете на некои застарени модели.

Погледнете кои модни додатоци и накит треба да ги замените со помодерни:

Ремен со лого или заврзан појас околу струк

Ременот треба да е нежен и едноставен, односно хармонично да го надополнува изгледот, а не да привлекува внимание сам по себе.

Чанти со лого

Наместо модел со насликано огромно лого или впечатливи букви веќе не се во мода и оддаваат лош вкус, наместо тоа одберете квалитетна чанта која не привлекува премногу внимание со детали.

Старомодни златни и сребрени прстени

Периодов тренд е да се носи голем накит, но сепак со елегантна и смирена линија, за да изгледа добро и со вечерна комбинација, но и со деловен стајлинг или аутфит за на кафе.

Неуредна пунџа фатена со еластичен стегач

Ако сакате да сте во тренд, сега косата треба да ви е уредно фатена – може да ја фатите во мазна пунџа со ластиче во неутрална боја, или пак, да ја фатите со штипка (да, одеднаш штипките станаа модерни повторно).

Бразлетни од конец

Овие модели воопшто не се во мода и ако сакате нешто тенко, тогаш одберете елегантно и модерно синџирче, наместо детски врвци.

Бразлетна со приврзоци

Доколку ви е поврзана со спомени, во ред е да ја носите со лежерен аутфит, но доколку имате елегантен стајлинг, задолжително извадете ја и заменете ја со тренди бразлетна – масивна, но со едноставен дизајн.

Тенко ланче со приврзок

Како што споменавме, сега се во мода големите парчиња накит, па истото важи и за ланчињата – се препорачуваат помасивни синџири, неколку споени и добро комбинирани во слоеви, наместо едно тенко синџирче со минималистичко приврзоче.

Прстени постевени во долниот дел на прстите

Овој тренд веќе одамна не е во мода – сега прстените се носат исклучиво ставени до крај, а дозволено е да се носат неколку складни, па дури и поголеми прстени на една рака, но не на секој прст.

М. М. |Црнобело