Како до цврсти и убави нокти?

Наместо нокти, грицкајте бадеми, блитва, мешунки, житарици, месо и риба. Веќе после неколку недели ќе забележите дека ноктите ви се поцврсти...

...поубави и посјајни.

Ниските температури, различните физички оштетувања и лошата исхрана, како и недоволното внесување вода во организмот ги оштетуваат ноктите. Иако служат како украс, на ноктите главна задача им е штитење на врвовите од прстите од повреди.

Фактори кои го забрзуваат растењето

Во просек, ноктите растат 2 до 3 милиметри месечно. Побрзо растат ноктите на рацете отколку ноктите на нозете. Најбрзо расте ноктот на средниот прст, а по правило побрзо растат во лето и за време на бременост. Изненадувачки, но вистинито, ноктите побрзо растат кај оние кои ги грицкаат.

Храна за нокти

За ноктите да бидат здрави, важно е да внесувате адекватна количина протеини кои се наоѓаат во месото. Витаминот Б кој се внесува преку бадеми и блитва ги зајакнува кршливите нокти, цинкот од житариците и месото е важен за растот на ткивата, а омега 3 масната киселина од лососот и туната ја подобрува циркулацијата па сите потребни состојки стигнуваат до ноктите.