Тексас, сатенско, мини: Како да носите здолниште во зима?

Тексас здолништата се комбинираат со сè – од кошули до џемпери – а изгледаат најдобро во комбинација со високи чизми.

Обично во зима ги прескокнуваме здолништата и ѝ даваме предност на потоплата облека.

Но, со дебели хулахопки, па и хеланки, здолништето може да биде одлично парче за зимските денови. Секако, кога температурите не се премногу ниски.

Со што да ги комбинирате здолништата во зима?

Мини здолниште

Кога носите мини здолниште, важно е да облечете дебели хулахопки – во зависност од моделот на здолништето, може да експериментирате и со хулахопки со дезен.

Мини здолништата изгледаат одлично со популарните UGG чизмички, но и си високи чизми.

За повпечатлив изглед, облечете и меки чорапи што ќе се гледаат од чизмите.

Комбинирајте го здолништето со мек џемпер, ролка или сако за поделовна комбинација.

Комплетирајте ја комбинацијата со капут или палто кои се подолги од здолништето.

Миди здолниште

Миди здолништата изгледаат најдобро со високи чизми.

Како и мини здолништата, можете да ги комбинирате со џемпери и ролки.

Обично не изгледаат најдобро со сако поради должината.

Макси здолниште

Макси здолништата се идеални за поелегантни комбинации со чизми (или штикли) со шпиц.

Најдобро изгледаат со џемпер со иста боја.

Тексас здолниште

Тексас здолништата можете да ги вметнете во зимските комбинации.

Како фармерките, изгледаат мошне добро со џемпери, ролки, па и сако.

Најдобр е да ги комбинирате со високи чизми.

Сатенско здолниште

Кога времето е малку потопло, слободно облечете и сатенско здолниште во зима.

Давајте им предност на подолгите модели кои изгледаат мошне добро со џемпер и едноставни чизми.

Кожено здолниште

Кожните парчиња се идеални за во зима, а поради текстурата, ја освежуваат секоја комбинација. И, можете да ги комбинирате со буквално сè – од кошули до џемпери.

Единствено треба да ја земете предвид нивната должина.

На пример, сако би изгледало подобро со кратко отколку со долго кожно здолниште.

Спирова С. | Црнобело