Осум работи на кои мора да обрнете внимание кога купувате облека онлајн

За парчиња со принт, обрнете внимание на шевовите, а секогаш е подобро да купувате облека за која има фотографија со модел.

Онлајн купувањето е сè почесто и иако е практично, може да биде малку проблематично кога е во прашање облека.

Ако нарачувате од продавница од која веќе сте купувале, тогаш не мора многу да размислувате за детали.

Но, ако купувате од нова продавница, добро е да обрнете внимание на некои ситници, за да бидете сигурни дека ќе платите за нешто што навистина ќе го носите.

Осум работи кои треба да ги земете предвид:

Обрнете внимание на фотографиите од моделите

Сигурно сте забележале дека некои онлајн продавници ги покажуваат разните бои на едно парче облека на една фотографија од моделот, како на колажот подолу.

Ова значи дека боите се додавани со алатка како Фотошоп и не мора да значи дека изгледаат така во реалноста.

Во овој случај, подобро е да разгледате дали има фотографии од купувачи во рецензиите на продуктот. Или, најбезбедно ви е ако има физичка продавница, да ги видите боите во живо.

За облека со принт, обрнете внимание на шевовите

Ако купувате фустан или што било со принт, внимателно разгледајте ги фотките на коишто се гледаат шевовите од страната на облеката.

Кај квалитетно изработените парчиња, принтот не треба да изгледа како да е пресечен од местото каде што е зашиена облеката. Односно, принтот делува слеано и шевот не се ни познава.

Ако принтот, ригите и слично не се совпаѓаат кај шевовите, во живо облеката може и да не изгледа многу добро.

Проверувајте ги димензиите на накитот

Дури и ако накитот е фотографиран на модел, не мора да значи дека ја гледате вистинската големина на парчињата.

Затоа, внимателно разгледајте ги димензиите, како ширина на прстен, должина на ланче и обетки и слично.

Секогаш проверувајте ја табелата за големина

За жал, големините како S, M и L не се секогаш исти и сигурно и самите сте биле во ситуација да купите две парчиња со иста големина, а само едното да ви е точно.

Затоа, на секоја продавница побарајте табела за големини каде е наведено кој обем на гради, половина и колкови соодветствува на која големина.

Измерете ги вашите пропорции, па одберете ја големината според тоа.

Продолжува на следната страница...