Трендови кои се вистинско промашување според обичните луѓе - здолниште со 2 шлица, „мокра“ шминка

Здолниште со 2 шлица, „мокра“ шминка, крокс кломпи за на улица... Некои трендови, според обичните луѓе, се вистинско промашување. Дали се сложувате?

Стилистите, шминкерите, модните дизајнери секоја сезона креираат и промовираат нови трендови.

Иако дел од нив изгледаат одлично на модната писта, на рекламите сили на страниците на списанијата, сепак, обичните луѓе не ги гледаат како ништо посебно.

За некои од нив, дури и сметаат дека се вистинско промашување. 

Кои трендови се по мерак на професионалците, но не и за луѓето?

Своите размислувања и критики, тие ги споделија на „Редит“:

„Обожавам плетени џемпери, но никогаш нема да ги разберам моделите кои се долги до глуждови. Која е нивната поента?

„Не ми се допаѓа трендот ‘мокра шминка. Можеби е океј за на писта за да се нагласи изгледот на моделите, но обичен човек не верувам дека може да ја износи. И никој не може да ме убеди во спротивното“.

„Премногу широките панталони или фармерки кои се влечат по земја се вистинска смешка. Почнете пак да произведувате панталони и фармерки кои се до глуждови, ве молам!“

„Не сум љубител на Крокс, ама сите велат дека им се многу удобни на нога. Дали затоа ги носат надвор од дома? Овие кломпи треба да останат затворени во четири ѕида, а не да се парадира на улица со нив!“

„Што ли си мислеле дизајнерите кога решиле да креираат здолништа или фустани со шлиц на двете нозе?“

„Обожавам хеланки, но моделите кои го нагласуваат задникот, и очигледно служат само за сликање во теретана, ми се ужасни, едноставно ужасни“.

„Не ги разбирам вештачките нокти долги по 5-6cm. Што можете да фатите со такви прсти? Не ви пречат? Како одите во тоалет - е тоа ме интересира?!“

А. Ј. | Црнобело