6-те омилени модни додатоци на инфлуенсерките за есен и зима 2025

Машка вратоврска во аутфит со сако, марама врзана на половината врз капут или сако, ракавици во боја...

Модните додатоци се особено важни бидејќи можат драстично да го променат изгледот на целиот аутфит.

Дури и едноставната комбинација од фармерки, џемпер и капут може да изгледа многу постилски со правилно избрани додатоци.

Шест модни додатоци кои се најголем хит за есен/зима 2025:

„Мачкести“ очила

Таканаречените „мачкести“ очила се совршен спој на модерно и винтиџ и се вклопуваат одлично во зимските и есенските комбинации.

Покрај очилата за сонце, ако носите очила за гледање и планирате да купувате нови, токму овој модел е вистински хит.

Кожени ракавици во боја

Црните кожени ракавици се класика, но моделите во боја како да ги оживуваат есенските и зимските комбинации.

Вистински хит се ракавиците со „богати“ нијанси, како боја на сенф, темновиолетова, темнозелена, но и бордо.

Машка вратоврска

Во 2000-тите, Аврил Лавињ ги прослави машките вратоврски во женските лежерни аутфити, а сега популарноста повторно им се зголемува.

Но, не само во лежерни комбинации – изгледаат навистина добро и во деловни и елегантни аутифити, со сако.

Марама

Марамите за глава се актуелни веќе неколку години.

Но, оваа есен трендсетерките почнаа да ги носат врзани на половината, врз палто или сако.

Чанта со ланец

Чантите со ланец можат да бидат одличен акцент на целата комбинација, а се вклопуваат со скоро секакви аутфити – од лежерни, до поелегантни.

Капа со врвки

Можеби делуваат малку ретро, но капите со врвки изгледаат навистина добро.

Лесно се комбинираат со широки капути, кожени јакни, но и широки сакоа.

Спирова С. | Црнобело