Пет тренди идеи за комбинирање кратки панталони ова лето

Комбинацијата од бела маичка и тексас кратки панталони е летна класика со која нема да погрешите, а доста добро изгледаат и кратки панталони со елек.

Од тексас, до елегантни модели и бермуди, кратките панталони се меѓу омилените летни парчиња.

Благодарение на разните модели, можат да се комбинираат со апсолутно сè и се идеални и за лежерни и за поелегантни комбинации.

Пет тренди идеи како да ги комбинирате ова лето:

Со широка кошула

Бермудите се како поелегантна алтернатива на кратките панталони, па се идеални ако сакате префинет изглед кога е многу топло.

Изгледаат навистина добро со еднобојна широка кошула, а комбинацијата можете да ја дополните со елегантни сандали или влечки со мала потпетица.

Широката кошула ќе изгледа добро и со тексас кратки панталони.

Со бела маичка

Ова е наједноставната летна формула, а секогаш изгледа стилски.

Комбинацијата од бела маичка и тексас кратки панталони изгледа добро со патики, влечки, сандали и балетанки, а можете да ја дополните со широка сламена торба – модел кој доминира ова лето.

Со елек

Веќе неколку сезони елекот е голем фаворит за летните аутфити, а изгледа мошне добро и со кратки панталони.

Может да го комбинирате со поелегантни модели, со бермуди, но и со тексас панталони.

Со светла блуза со тантела

Нежната тантела е задолжителен детаљ за летните комбинации.

Елегантните блузи украсени со тантела изгледаат совршено во комбинација со кратки панталони.

Панталоните со повпечатливи бои и блузата со светла нијанса се мошне добар летен спој.

Комбинацијата можете да ја дополните со елегантни влечки и чанта.

Со кардиган

Кардиганот е парче што се носи во секоја сезона, дури и во лето кога ноќите се малку постудени.

Лесно се комбинира, а изгледа мошне добро со кратки панталони, особено елегантни модели, како сатенски.

Спирова С. | Црнобело