Тренди деловни комбинации со кои полесно ќе го преживеете летото

Ленени панталони и елек, маски здолниште со широка кошула или, пак, елегантни бермуди со маичка.

Во лето е навистина потешко да направите соодветна деловна комбинација во која ќе изгледате претставително, а сепак да не зовриете на жешкото време.

Кога не можете да облечете многу кратко здолниште или многу разголена маичка, најдобро е да обрнувате внимание на материјалите.

Шест тренди комбинации со кои полесно ќе го преживеете ова лето на работа:

Ленени панталони и елек

Ленените панталони се меѓу најголемите хитови за ова лето, а можете да ги носите и на работа.

За да изгледаат „поделовно“, искомбинирајте ги со елек.

Комбинацијата дополнете ја со балетанки и минималистичка чанта.

Макси здолниште и широка кошула

Макси здолништата се идеални за деловни комбинации.

Истото важи и за широките кошули кои кога се направени од лесен материјал, како памук, можат да бидат одлично парче за топлите денови.

Миди здолниште и маичка

Едноставната маичка е полежерно парче, но се вкопува и во деловни комбинации.

Можете да ја носите со поелегантно миди здолниште и минималистички накит.

Бермуди и маичка или елек

Бермудите се одлична летна замена за класичните панталони.

Изгледаат добро со тесна маичка, но и со елек, а комбинацијата можете да ја комплетирате со чевли со мала штикла.

Молив здолниште и широка кошула

Молив здолништата се задолжително деловно парче облека, а во лето можете да ги комбинирате со широки кошули.

Овој аутфит изгледа одлично со штикли, но и со балетанки.

Фустан и свилена марама

Веруваме дека веќе носите фустани на работа, но за да изгледате потренди, на половината заврзете и свилена марама.

Овој мал детаљ целосно го менува изгледот на аутфитот и е вистински хит сезонава.

Спирова С. | Црнобело